نقل التجارب الشخصية في الحياة
قصة حقيقية سمعتها من صاحبتها، تجربة صعبة في مواجهة سرطان الدماغ، سأخبركم بها مع أهمية الارشاد النفسي لمرضى السرطان،
وكيفية رفع معنويات مريض السرطان، بالاضافة إلى أهمية
العلاج النفسي لمرضى السرطان، ونصائح نفسية لمرضى السرطان أو
الدعم النفسي لمرضى السرطان ، يعاني مرضى السرطان من (اكتئاب مرضى السرطان). لذلك إن
اهمية الدعم النفسي لمرضى السرطان ذات أولوية ضمن جمعية خاصة انتسبت لها مؤخراً. سأنقل لكم
تجربتي الشخصية مع سرطان الغدة وتجارب الصبايا من حولي بغية التسلح بعزيمة الأمل بعد رحلة الألم.
بعد نهاية رحلة العلاج من سرطان الغدة الدرقية، انتسبت لجمعية تهتم بالمرضى، تعرفت على سيدات ضمن اللقاءات الدورية، تحمل كل قصة وجع وألم. سأحاول نقل التجارب الشخصية في الحياة بغية زراعة وردة الأمل في نفوس المرضى.
مواضيع ذات صلة:
مضاعفات استئصال الغدة الدرقية والأثار الجانبية قبل واثناء وبعد جرعة اليود المشع في علاج سرطان الغدة الدرقية
نصائح هامة قبل جرعة اليود المشع: نصائح الطبيب المعالج في الطب النووي
القصة كما روتها صاحبتها
القصة راح تكون باللغة العامية المحكية.
اكتشفت مرضي بالسرطان بعد عرسي ب 3 أشهر، كنت اخبر أمي دوماً عن ألم في الرأس واحساس الدوخة المتكرر، كانت أمي تحكيلي يمكن يكون حسد، وبعد العرس حكتلي يمكن من
الحمل، بس اخر مرة قلبت عالأرض، صحيت لقيت حالي في المستشفى !
كان وجه امي ما بيتفسر؛ وزوجي واقف عجنب ومو عارف شو يحكي ....
قلتلن شو في ؟
حكولي هلئ ارتاحي ما فيك الا كل خير...
ما بعرف شو أحكي وقتها، لاني كنت تعبانة كثير وما قادرة ركز، بس الصراحة ما صدقتهم .....
بعد يومين ، امسك زوجي يداي، قلي حبيبتي بدي احكيلك شغلة، تفاقيد ربنا رحمة!
وانا عارف انك قوية ورح تتحملي، عندك ورم صغير، بتتعالجي وبترجعي مثل اول وأحسن ...
انا وقتها انصدمت وصرت أعيط قلتله رح موت صح خلص ما في امل احكيلي قديش رح عيش ....
قلي ولك بلا حكي المسلسلات ما رح تموتي ، بس لازم تبلشي جلسات كيماوي ....
هالكلمة وقعت على راسي مثل الصاروخ! وعطول خطر ببالي منظري كيف رح يصير، ووجع العلاج، وأكيد زوجي رح يتركني
قلتلو رح تتركني صح !
ضحك وقلي شوجنيتي ما رح اتركك ، ورح صير اجي استناكي بعد كل جلسة....
بس انا رفضت العلاج؛ قلتله بدي موت هيك ولا اتعذب وموت وانا خسرانة كل شي ورحت عالبيت!
اجت امي لعندي واهلي وكلهم يقنعوني اتعالج ورفضت.
جرعة الكيماوي
تاني يوم لقيته جاي وحالق شعرو عالصفر
اطلعت في وقلتلو ليشششش بحب شعرك!
قلي خلص هيك بطلتي تحبيني يعني؟
قلتله : لا بحبك ...
قلي لكن جهزي حالك للعلاج وفعليا اقتنعت منه .....
أذكر في اول جرعة كيماوي، دخلت وحدي إلى الغرفة، أذكر حرقتني الجرعة حرق، حسيت بنار بتمشي بجسمي، وللحظة شفت الموت، وبعد ما خلصت نمت كثيررررررر !
صحيت وجدت زوجي بجانبي يمسك ايدي، قلي كيف صرتي ....
بكيت بألم وأخبرته أني أشعر بالوجع ...
قلي رح تمشي الأمور ما تاكلي هم....
وصارت حالتي بعد كل جلسة اخسر شعري؛ والشغلات الحلوة الي فيي....
بشرتي كانت باهتة كتير وعيوني ذبلانين، كنت اطلع على زوجي بحسرة واحكي شو ذنبه يعيش هالحياة معي ...
بعد فترة من العلاج طلبت الطلاق،،،، حسيت اني ظالمته معي ، بتذكر وقتها عصب علي وصار يحكيلي حرام عليك انا مقصر معك بشي !
قلتله لا والله بس انا ظالمتك !
قلي هيك ربنا كاتبلنا ولو انا صار معي هالشي متأكد ما تخليتي عني ضلك قوية!
الصدمة النفسية
كنت قد تعرفت على سيدة مريضة سرطان خلال خضوعي لجلسات الكيماوي، التقي بها قبل الجلسة
دائما، كانت تحكيلي كيف زوجها طلقها بعد ما عرف انها مريضة، وكيف بيت
حماها بيعاملوها!
سألتها طيب انتي ما تزوجتي عن حب!
قالتلي حب 4 سنين ...
وبعد هالحب تركك لانك مرضتي!
قالتها والحسرة بعيونها، للاسف كان يحب شكلي .....
وقتها
شفقت عليها جد، تذكرت كيف زوجي تقدملي بطريقة تقليدية؛ ورفضته، وبعدها رجع
تقدملي ورجعت رفضته، ولحد ما تعرفت علي وارتحتله وافقت علي !
في اليوم الثاني من طلبي الطلاق، كان لدي جلسة كيماوي، لم أرى السيدة التي كنت التقيها قبل موعد الجلسات،سألت الممرضة عنها، قالتلي عطتك عمرها!
انا وقتها اصابني انهيار ما عرفت اتحكم بحالي، صرت عيط وقول اكيد رح موت متلها اجا زوجي لعندي وشافني هيك جن قلي شو في !
حكتله القصة زعل كثير وحضني، قلي والله رح تعيشي هلأ كنت عند الدكتور وقلي انك متحسنة كثير !
فتت عالجلسة وطول الوقت وصورة الست للي ماتت براسي؛ يا الله اكيد ماتت من حسرتها، اكيد ماتت وحيدة ولا حدا كان معها !
طلعت بعدها ... وضليت فترة مكتئبة كثير، بس زوجي ما قصر ليغيرلي جو، يحسن نفسيتي، يساعدني بكل شي.
كنت حابة كل ذرة بحياتي مشانه بس! لانو كان قوتي وقت ضعفي ...
العبرة من القصة
تتابع السيدة حديثها:
فعليا
انا انشفيت من هالمرض (مرض السرطان)، وحياتنا رجعت طبيعية وصار عندي بنوتة اليوم سميتها
على اسم الست الي شفتها بالمستشفى! بس دائما بقلا اوعك يا ماما تتزوجي واحد
حب شكلك وبس، تزوجي واحد يحب روحك الحلوة، عقلك الكبير، تفكيرك !
تزوجي عشان لو وقعتي يوقفك وما يتركك !
طبعا بنتي بتصفن ومش فاهمة شي ... بس بتقلي اتزوج واحد مثل بابا !
برد عليها اي متل ابوكي ... تزوجي لانو الزواج استقرار ، تزوجي الشخص الي بدك تقضي كل عمرك معه لو شو ما صار لاي حدا فيكم!
تزوجي
الي حب قلبك وروحك مش الي حب شكلك ، واعرفي انه الزواج في ايام حلوة كثير
وفي ايام مرة ! بس مع لي بحب روحك كل الزعل رح تنسي .....
لانو اللي بيحبك رح يفرجيكي الحياة الحلوة من خلالو هوي وبس.
اعجبتني كلمات السيدة الرائعة، لانها أحبت الحياة كرمال تبقى مع الشخص يلي وقف معها في لحظات ضعفها، مرضها.
فيديوهات ذات صلة:
اهم النصائح المتبعة في كتيب المعلومات من كوستاف روسي:تجربتي مع سرطان الغدة الدرقية
مضاعفات استئصال الغدة الدرقية وقبل واثناء وبعد جرعة اليود المشع تجربة اناقة انثى الشخصية
علاج تغير لون الجلد بعد الجروح : تجربتي بعد عملية استئصال سرطان الغدة الدرقية
#مدونة_ليالي_الفرح
تعليقات
إرسال تعليق
شاركنا رأيك يسعدنا